Tanha ghar se bahir jana theek nahin ,,
Tum masoom ho aor zamana theek nahin ,,
Saaf dilon ko phir se maila ker deyn gi ,,
Ghuzri baaton ko duhraana theek nahin ,,
Aisi cheezeyn door achi lagti hain ,,
Chaand ko apne paas bulaana theek nahin
Rafta rafta tabeereyn bahey jayen gi ,,
Nam aankhon mein khawab sajana theek nahin ,,
Choor NAVEED in pathar dil insaano ko ,,
Apne dil ka haal sunaana theek nahin ,,
No comments:
Post a Comment